KARE TERRONA
Terrona . . . . . .
A polonga
Bennyka lalake lako
Tak padena ghinto
Bennyak lalake paju
Tak padena dhinnaju
Orengnga genteng katekan
Dheddhi rerebbhutan
Bebini se kemmana
Setak pade ngeccerra
Paraben se kamma a
Setak pade naksera
Terrona . . . . . A polonga
Bheghus
tengkana
Lemmes
tatakramana
Seng
malem tak ambu
E alem
Du mun
nyamana
E ka
ghebei kejhung
Are-are
tak ambu
E
ponjhung
Tao-taona bekna nengkeni
Bede se andik
Rassa-rassana e ka ghetton
Salanjhengnga odik
Ghettonna ate kare terrona
Ghettonna ata kare terrona
Odik apolong
A KOLEK EMAS
M. Tofa. R
Mun ngalak
gheddung e bekto panas
Beikna pote
ghetel e rassa
E delem
gheddung a kolek emas
Nya sakek ate
a seksa
Manisna maddhu
dheddhi kadhirik
Beddhe e totop
mukkak malarat
Tangis ban
padhu deddhi kambherik
Bulenje cokop
malarat
Arassa nyaman
angin nyalesser
Mun
rempa-rempa ka ghebei lolor
Benni tak
eman benni tak nyerser
E ate-ate nya
ngakan ate
E torok-torok
nya ngalo perrok
Terrona lake
ka bhental mate
Sakek ate
sajen a koro
ISTIGHFAR
M. Tofa. R "98"
Nyatoa sapora sa kabbina dhusa
Pareng salamet deri seksa
Ka se koasa bole pasrah
Tetep istiqomah iman ben taqwa
Ya allah ghuste ya allah pangeran
Parenge petodhu sa dhejhe pimpinan
Sakabbina ommat nemmoa rahmat
Dhunnya aherat pade salamet
Ya allah ghuste kaule amakseat
Ka narakana kaule tak koat
Ka soarghena kaule tak pantes
dhusa kaule kalebhet betes
nyatoa syafaat nadi junjungan
are keamat nemmu naongan
Oreng apandi pello
Are sa kelan e attasna olo
Saojhur bheddhen a pandi dhusa
Ate se atos tak apangrasa
E seram tangis ben aeng mata
Taubat nasuha se manyila'a
SYAFA'ATULUZMA
M. Tofa. R "2000"
Sentem tak ghelem maca sholawat
Paghik akherat cong sala lebet
Nete e sirat tak oneng megghet
Epadheng mahsar mata are bede e atasna olo
Se benyyak dhusa apandi pello
Deri sakarat sambhik naraka Seksa melolo
Etempo oreng sobung se metek
Panasna are ma ngalkal otek
Mekkere dhusa sambhi'an potek
Senten se olle syafa'atul uzma
Se benyyak maca sholawet nabina
Masok berisan ben naonganna
KAKASEN
M. Tofa. R "2000"
Muhammadun kakasen ghuste robbul alamin
Muhammadun papareng rohmalal lil alamin
Muhammadun pongkasan sakabbhina otosan
Muhammadun alasan deri bedena alam
Muhammadun nyafa'at paghi' e padeng mahsyar
Muhammadun nyalamet oreng se pade nyasar
Muhammadun dhebuna jhughen tengka lakona
Muhammadun Panotan sakabbhina ummatna
Muhammadun e raksa deri lopot ben sala
Muhammadun e sapora deri sadheje dhusa
ADHET PARA ENGKA
M. Tofa. R "2001"
Nadhhe kanca ben toghelan
Odik tonto salebetan
A cabis sangana mate
Bennyak e bede ka ghuste
Seang malem a ebede
Fardhu sunnat tambe-tambe
Jhek loppa hakna tatangghe
Masakek ate e jhege
Toa ngude e kompole
Se sal e nasehate
Adhet para tengka toman
Pade angghui e samoan
Soghi mesken pade-pade
Mungghu Allah sobung bhide
Angik taqwa dheddhi tandhe
Ka angghui muslim sadheje
ZAMAN ROSAK
M. Tofa. R "99"
Mengghen pon napak zaman se rosak
Toa ben ngode pade nyalongsat
Enomenoma mabuk-mabuan
Sabbhen arena dheddhi lelebuan
Nga nasehate jhek bhusen-bhusen
Sosa mekkere me nglkal otek
Du oreng pangkat nyato sapora
Deri pak crek sambhik pak lora
Lako mongkarat jhek masok dhisa
Takok ka ghuste alako dhusa
Lamon mungkarat dheddhi lalakon
Morkana ghuste takok cong toron
Ghuste kaule nyato salamet
Ta bukkak ate nolle athobhet
PANTON NYARE ELMO
M. Tofa. R "2001"
Naddhe kanca pongpong ghik ngode
A sare elmo yok kaje-kaje
Ka angghui sanguna ebede
Tak andik elmo salana raje
Mun ghik ngude paparlo ngji
Senten tak ngaji pastena rogi
Rogi e dhunnya tak nape-nape
Rogi akhirat naraka se paste
Buwe koaranjhi beikna koning
Ngibe kempol lebet alloan
E soro ngajhi sengak tak oneng
A kompol-kompol ka malo-maloaan
Buwe koranjhi ekakan loker
Mola sekarat tandena toa
E soro ngajhi ajjhek nyaleker
Sengak malarat nyare mak toa
Burni massak e oro-oro
Bennyak se elop e kenning pajhi
Bebini ngocak "benni tak terro
Beremmana jhek tak
oeneng ngajhi"
Ngalak jemur du e so'opa
Deun salamber e kaju-kaju
Ka berak ka temur a jhuwel ropa
Tadek naber tak gellem pajhu
Ngenum jemu ngakan manisan
Ngate-ngate bheddhen ngarennyeng
Nyare elmo jhek songkan-songkan
Mola ngarte abek lasenneng
TELLOK PERKARA
M. Tofa. R "2001"
Munla napak ka ajhelna
Ben a ongghun e delem tana
Tak bisa nambe amalna
Angik tatello' syaratna
Amal jeriyah nyamana
Mun asendhekkah dhunnyana
Lamon andhik ka lebbian
Ka sendhekkah sabegian
Oreng elmuna manfa'at
E bela aken ka ommat
E dhunnya parengi rahmat
Akherat pareng salamet
Dhuwena anak se sholeh
Terros-terrosan ngalele
Ka oreng toa se mate
Tandhena anak se bhekte
TAKMELAOR
M. Tofa. R "2001"
Mengken bapak ben emmak
Pade bennyak tak engak
Tanggung jewebna ka anak
Pola ka dhunnyana ghik tamak
Seang malem a ebeda
Lempo ngantok kaje-kaje
Lamon anak tak e jhege
Sengk seksana se raje
Tak romasa e rabete
Tak ambu ma sakek ate
La tak norok ka parator
Oreng toa tak melaor
Mun mento senten se sala
Anak nape oreng toa
Ya robbena ighfirlana
Dzunubana khathayana
ORENG ATTAS
Du oreng attas a pekker
E bebe misken nga pekker
Jhe' bhebe asare ongghun
E bebe sosa ben bhingung
Du oreng attas jhe' bhengngis
E bebe mellas nga nangis
E bebe arjheng ben lapar
E attas maca istighfar
E bebe ngala' sa elleng
E korong e koca' maleng
E attas ngibe sa karong
E korong ta' neddhes hokom
E bebe ngala' sa ebu
E caci ta' ambu-ambu
E attas ngala' jutaan
E sanjung enga' pahlawan
BULEN MULOD
E bulen rabiul awwel
Du belles are bulen tangghel
E sebbhut ghen taon ghejhe
Lahir nabi Muhammad oreng se mulje
Sabbhen taon e pa bedei
Mulod ngurmat kanjing nabi
Asyraqol maca berzanji
Nginga'i sejarah nabi
Narema ben ate bhunga
Pajhengi tellor ben bunga
Ngarep syafaatul udzma
Soarghe ka muleanna
Lata' eman ka bulenjhe
Tak' kellar a kaje-kaje
Mughe odi' dheddhi mulje
Dhunnya aherat pon bhegjheh
POLO BHEBIAN
Polo bhebian asal-asalna
Hindu ghen buddhe mun aghemana
Kajuan raje , syetan, rohna
Nenek munyang dheddhi senbheanna
E sittung bekto napa' masana
Deteng otosan syeh maulana
Umar mas'ud ngajher aghemana
Attas parenta deri ghuruna
Raja babiliana ta' tarema
Ngajhek ngddhu ka sakteanna
syeh maulana andi' karomah
babiliana robbhu ka tana
abi' ghissana babiliana
syeh maulana ngator aghema
islam se ghempang oreng narema
bhebian dheddhi sittung aghema
ZAMAN LA AHER
Benyak sakale oreng se mungker
Ngakona islam lakona laen
Oca' tengkana sobung e pekker
Lako ma'seat dheddhi biasa
Lata' tapekker a lako dhusa
Ghibena napso lebbi koasa
Tak andik iman ta'aroasa
Karna mungkarat dheddhi lalakon
Murkana ghuste nga e patoron
Ghuste kaule nyato salamet
Ta bukka' ate nulle a tobhet
Negghu' amanat berre' sakale
Minangka apoi e tegghu' panas
E leppas mate
Nyato petodhu kaule ghuste
TATELLO' PERKARA
Mula napa' ajelna
Ongghun e delem tanah
Tak bisa nambe amalna
Angi' tatello' syaratna
Sesoghi ghen dhunnyana
Se alem ghen ilmuna
Anak soleh dhuwena
Kangghui oreng toana
Amal jeriye nyamana
Sendhekka dhunnyana
Mun andi' kalebbian
Ka sendhekka sabegian
Andi' ilmu manfaat
E belaaken ka ummat
E dhunnya parenga rahmat
Aherat pareng salamet
Dhuwena anak saleh
Terro-terrosan ngalele
Ka oreng toa se mate
Tendhena anak a bhekte
TA'MILAOR
Du ghuste bapak ghen
emma'
Mengken bennya' ta' enga'
Tanggung jaweb ka anak
Karma ka dhunnya ghi' tama'
Seang malem a ebede
Lempo ngantok kaje-kaje
Lamun anak ta' ejege
Senga' seksana se raje
Ta' romasa e rabete
Ta' ambu masake' ate
Lata' noro' ka petotor
Oreng toa ta' milaor
Mun mento senten se sala
Anak nape oreng toa
Ya rabbenaghfirlana
Dzunubena khotoyana
PANYAKETNA ATE
Panyaketna ate bennyak macemma
Mughe-mughe ghuste e jheuana
Sebeb tonto kabbhi sobung tembhena
Angik nyato yallah ghuste ka petodhuna
Oreng sekek ate ka tatangghena
Tak soka ngute'e kabhunga'anna
Mughe-mughe ghuste jheuana
Deri hasud dengki ben samacemma
Soka makaton-katon ka bheghusanna
Lebur a careta amal ibedena
Mughe-mughe ghuste e jheuana
Deri riyek sum'ah ben samacemma
Paleng penter paleng soghi romasana
Tan nganggepan mun kaoreng se laenna
Meghe-mughe ghuste e jheuana
Deri ujub takabbur ben samacemma
KAPASTEAN
Bhekal bede sittung bekto
Kabbhi oreng bhekal tao
Ollena atengka lako
Bles ghenjher ento tanto
Bheghus catetan amalna
Tanang kanan se narema
Bhekal ghempang tembhenganna
Soarghe kamoleanna
Tak bheghus amal a bhekte
makseat tak mare-mare
Catettan amal e kere
Dissan naraka anante
Ngabes catetan amalna
Arassa ghetton a tena
Mun olle e beliana
Ibede odik bede e dhunya
Salamet lebet tetean
Tonto dheddhi kapastean
Nikmat se dheddhi arepan
Tennang tentram ka pangiran
Nyare jhudhu
Rasulullah pareng petodhu
E delem hadis mun mele jhudhu
Bede pak empak dheddhi tetengnger
Naddhe toro'e sopaje bhendher
Abes-abes kabedeanna
Jhek sala
mile katoronana
Ropa raddhin pangaterrona
Sepaleng bheghus ngarte aghema
Du tak ghempang a kaluarge
Muntak sapaham tak pade-sajjhe
Pade pekkere jhek kaje-kaje
Jhubek ka budi pade e jege
JEGE IMAN
Titip iman Rabbana
Bekto fihayatina
Waba'da mamatina
Pareng odik Tasyakkur
Ate benyak tafakkur
Iman jhek sambhik kufur
Allah Ghefurun
syakur
Lako sala e obe
Iman teros a tambe
Sambik nyabe ka dede
Iman islam e ghibe
Ya Allah kaule nyato
Salamet anak poto
Iman islam e pangko
Ghuste a pareng Rido
Lanjut terus pak yai
BalasHapusBess karyanya